انواع الماسكات للبشرة
- skiinae
- May 10, 2023
- 2 min read
شو أحلى من انج تسترخين و تحطيلج ماسك على ويهج و انتي منسدحة و تطالعين مسلسلج .. او تحطين ماسك و تكملين اشغالج !!
الماسكات كثيرة , بعضها تستخدم ك علاج و بعضها تستخدم للإسترخاء و بعضها للنضارة و الترطيب.
كيف أعرف شو الماسك المناسب لبشرتي؟ الموضوع سهل ..
في هذه المدونة لخصت لكم انواع الماسكات
فوائد الماسكات:
- ماسك الطين clay mask: يتحكم في اللمعة , يمتص الدهون , يخفف مظهر المسامات , يخفف ظهور حب الشباب. ( ممكن يجففها)
- ماسك الورق sheet mask: يرطب و يغذي البشرة و يعطيها نضارة (ملاحضة: ما تغسلين ويهج بعد ما تشلينه )
- ماسك الطين mud mask: يشد البشرة و يوازنها , يرطبها و يمتص الدهون.
-ماسك الكريم cream mask: يهدي البشرة و يعطيها نضارة و ممكن تخلينها خلال النوم.
-ماسك الفحم charcoal mask: ينظف المسامات بعمق , مضاد للبكتريا و مضاد للإالتهابات ( ملاحضة : غير مناسب للبشرة الجافة)
- ماسك ال peel of: يشل الخلايا الميتة و يعطي نضارة.
كم مرة استخدم ماسك لبشرتي؟
الماسكات بشكل عام ممكن نستخدمها مرة الى مرتين في الاسبوع. يعتمد على نوع الماسك.
اذا كان الماسك لغرض الترطيب و النضارة , ما يضر انه نستخدمه اكثر عن مرتين في الاسبوع. اما اذا كان الماسك علاجي مثل ماسك الطين او ماسك الفحم , يفضل نستخدمه مرة او مرتين في الاسبوع فقط عشان ما يضر حاجز البشرة و يسبب جفاف.
كيف اختار الماسك المناسب ؟
بعد ما عرفتي الحين انواع الماسكات و كل ماسك شو الغرض منه , بيسهل عليج انج تختارين الماسك الي تبينه.
الأسئلة الي تقدرين تسألين نفسج عشان تعرفين اي ماسك تشترين هي الأسئلة هذه:
سؤال 1: شو نوع بشرتي؟
سؤال 2: شو النيجة الي اباها؟
بعد ما بتجاوبين على هذه الاسئلة بيكون عندج جواب اي ماسك تستخدمين.
مثال: بشرتي دهنية و ابا شي يخفف الرؤوس السوداء و الدهون و ابا اتحكم في اللمعة.
نوع الماسك: clay mask
اذا استفدتوا من المدونة هذه , لا تنسون تقيمونه و تكتبولي رايكم او سؤالكم في الكومنتات
شكراً🩷🩷
وايد استفدت منكم 🥺
يا بوقته !💕💕💕💕